渣打「悅讀希望」內地建書舍

(2009/12/01 東方日報)

 

絲絲一直都認為施比受更有福,所以趁自己仲有能力時,不妨做多啲好事回饋社會。渣打香港與絲絲都係抱住同一信念,就算生意做到幾大,都不忘幫助社會,適逢今日係世界愛滋病日,絲絲知道渣打一班「關心愛滋大使」仲會四出宣揚有關愛滋病嘅知識。

 

捐助受愛滋影響學童

 

由0六年開始,渣打一直與智行基金會合作「悅讀希望」籌款活動,至今已經將超過四千個滿載各種書籍及文具嘅「希望背包」,送予受到愛滋病影響嘅內地小朋友手上。

 

今年籌款活動仲搞搞新意思,由渣打員工與顧客籌得嘅善款,部分會用喺內地愛滋病高發地區,興建「悅讀希望」圖書室,為一千五百個學生提供舒適及安全嘅閱讀環境,呢個圖書室啱啱喺上周四已正式開幕。

 

今日渣打仲會發動全體員工,為「悅讀希望」圖書室嘅學生送上心意卡,又會去四間中學為學生舉行愛滋病教育工作坊。

 

余絲韻

 

This post is also available in: Chinese (Traditional) Chinese (Simplified)