|
(2013/05/01 东方日报 Oriental Daily)
|
| 千亿新抱徐子淇担任慈善大使慨智行基金会，早前搞咗个夹Band慈善音乐会，筹钱为内地爱滋遗孤送暖。卓妮见基金创办人杜聪成晚孭住一个环保袋，造型出位，细问之下，原来环保袋印住慨图案系啲爱滋遗孤同家人嘅作品，制成环保袋後既可出售筹款，又可教受助人自力更生，难怪杜聪不惜放下大男人形象，都要孭住做代言人喇。智行慈善音乐会名人力撑 当晚音乐会重温咗上世纪六丶七十年代经典英文金曲，中华总商会永远荣誉会长张成雄夫妇一早就入场，唔通渠都系Band友？张成雄笑笑口话唔系，其实佢系去撑音乐会筹委会副主席许义良（Frankie）场。 Frankie系一间日本餐厅嘅老板，业馀夹Band几十年，当晚亦上台露两手。 至於「香港手套大王」詹氏第二代詹嘉莉（Kelly）三姊妹都去捧场，虽然Kelly唔系「经典」人，但都买咗十几张门券做善事，事关渠与曾经红极一时慨主音歌手Dorinda相识好多年。 Kelly话，内地爱滋遗孤多数冇感染病毒，却要面对贫穷及歧视，好需要社会伸出援手。 |
