渣打「悦读希望」内地建书舍
(2009/12/01 东方日报)
丝丝一直都认为施比受更有福，所以趁自己仲有能力时，不妨做多啲好事回馈社会。渣打香港与丝丝都系抱住同一信念，就算生意做到几大，都不忘帮助社会，适逢今日系世界爱滋病日，丝丝知道渣打一班「关心爱滋大使」仲会四出宣扬有关爱滋病嘅知识。
捐助受爱滋影响学童
由0六年开始，渣打一直与智行基金会合作「悦读希望」筹款活动，至今已经将超过四千个满载各种书籍及文具嘅「希望背包」，送予受到爱滋病影响嘅内地小朋友手上。
今年筹款活动仲搞搞新意思，由渣打员工与顾客筹得嘅善款，部分会用喺内地爱滋病高发地区，兴建「悦读希望」图书室，为一千五百个学生提供舒适及安全嘅阅读环境，呢个图书室啱啱喺上周四已正式开幕。
今日渣打仲会发动全体员工，为「悦读希望」图书室嘅学生送上心意卡，又会去四间中学为学生举行爱滋病教育工作坊。
余丝韵
